Wezîr Yerlîkaya: Tişta ku Dayîkên Şemiyê rûbirû dibe Mexdûriyet e

Di Komîsyona Plan û Budçeyê ya Meclîsê de şeva borî budçeya sala 2024an a Wezareta Karên Navxweyî hat nirxandin. Wezîrê Karên Navxweyî Alî Yerlîkaya pirsên parlementeran bersivand.

Parlamentera Partiya Demokrasî û Wekheviyê ya Gelan(HEDEP) a Rihayê Dîlan Kunt Ayan, rewşa Dayikên/Mirovên Şemiyê ku çalakiya wan ya rûniştinê ya li Qada Galatasarayê hatiye qedexekirin û bi derpkirinê tên desteserkirin, ji Yerlikaya pirsî.

Li gorî nûçeya Dûvarê, Dîlan Kunt Ayan, diyar kir ku polîs bi hêza ku ji wezaretê werdigire mudaxeleyî xizmên windayan dike û Ayanê dîmenên mafparêzan yên bi kelemçe û desteserkirinê nîşan da.

Yerlîkaya ev bersiv da: “Tişta ku Dayîkên Şemiyê rûbirû dibe Mexdûriyet e. Em ê di demeke herî nêz de çareseriyekê bibînin. "We vê hefteyê dît, me kes desteser nekir."

(AS/AY)